نام بھی تیرا عقیدت سے لیے جاتا ہوں

نام بھی تیرا عقیدت سے لئے جاتا ہوں

ہر قدم پر تجھے سجدے بھی کئے جاتا ہوں

---

کوئی دنیا میں مِرا مونس و غمخوار نہیں

تیری رحمت کے سہارے پہ جیے جاتا ہوں

---

تیرے اوصاف میں اک وصف خطا پوشی ہے

اس بھروسے پہ خطائیں بھی کئے جاتا ہو ں

---

آزمائش کا محل ہو کہ مَسرّت کا مقام

سجدہء شکر بہر حال کئے جاتا ہوں

---

زندگی نام ہے اللہ پہ مَر مٹنے کا

یہ سبق سارے زمانے کو دیئے جاتا ہوں

---

صبر کرنا ہے تری شانِ کریمی کو عزیز

میں یہی سوچ کے آنسو بھی پیے جاتا ہوں

---

ہر گھڑی اُس کی رضا پیشِ نظر ہے اقبالؔ

شکر ہے ، ایک سلیقے سے جیے جاتا ہو ں