کُملائی ہوئی روح کُو یارب گُلِ تر کر

کُملائی ہوئی روح کُو یارب گُلِ تر کر

اس جامِ سفالیں کو کبھی ساغرِ زر کر

---

جب تیرے اشارے سے چٹک جاتے ہیں غنچے

اُمید کی منہ بند کلی پر بھی نظر کر

---

دل کو ۔۔ جسے خاکستر دِل کہتی ہے دُنیا

انوار کی لَو ڈال کے ۔۔ تابندہ شرر کر

---

اب میرے لیے تنگ ہے یہ عالم بے رنگ

بوسیدہ ہے یہ قصر ‘ اسے زیر و زبر کر

---

کب تک ترے بندوں کی غلا می پہ کروں ناز

تاروں کے نشیمن سے بھی اونچا مرا سر کر

---

گر نخلِ تمنا کو ثمرور نہیں کرنا

افسانہء اکرام بعنوان دِگر کر

---

اس پر بھی اگر تیرا کرم کچھ نہیں کرتا

گستاخ کلامی سے مری قطع نظر کر

---

یہ بھی نہیں منظور تو اے مبدء الطاف

احساس مرا چھین ‘ مجھے خاک بسر کر