آپؐ کے دامن سے جا لپٹوں کسی دن خواب میں

آپؐ کے دامن سے جا لپٹوں کسی دن خواب میں

اتنی ہمت ہی کہاں لیکن دِل بے تاب میں

---

آپؐ کا چہرہ نظر آئے مجھے اپنے قریب

میری کشتی جب پھنسی ہو موت کے گرداب میں

---

میری بس اتنی سی خواہش ہے کہ جی بھر کر کبھی

آپؐ کے روضے کو میں دیکھوں شب مہتاب میں

---

عمر بھر لکھتا رہوں اُن کے قصیدے شوق سے

ذکر ہو شاید مرا بھی محفلِ اصحاب میں

---

سانس جب اُکھڑے تو میرے سامنے ہو روشنی

آخری گھر ہو مرا اُس وادئ ِ شاداب میں