بندہ میں عاجز گنہ گار تیرا کریں اپنے فضل دا دان سائیاں
تیرے کرم دا کوئی نہیں حد بناں تو کریم رحیم رحمان سائیاں
تیرا در چھڈے کے کیڑے در جاواں ٹھیڈے مار دا سارا جہان سائیاں
جے بخش دیویں تیری مہربانی تیرا لکھ کروڑ احسان سائیاں
میں جو وی ہاں تینوں پتہ سارا کوئی نہیں تیرے توں لک لکان سائیاں
صدقہ اپنے حبیب دا پھیر وی توں گھڑی نزع دی کریں آسان سائیاں
رحمت جدوں اوندی تیری جوش اندر چشمے رحمت دے ہون روان سائیاں
جھولی اڈ کے تیرے دربار وچوں بھیک منگدے سخی سلطان سائیاں
اوہدی بیڑی طوفانوں وچہ ڈبدی نہیں جہدا توں ہوویں نگہبان سائیاں
پردے اودوں نیازی دے کج لیناں لگے حشر دا جدوں میدان سائیاں
شاعر کا نام :- عبدالستار نیازی
کتاب کا نام :- کلیات نیازی