لہندے چڑھدے میں جس پاسے اپنی نظر اٹھاواں
ہر اک شان دے وچوں مولا تیریاں شاناں پاواں
ذره ذره قطره تیریاں دوے صداواں
پھلاں کلیاں دے بلھاں تے تیریاں ہین ثناواں
کدی وی بھل کے اوندیاں ناہیں اسدے کول خزاواں
ہوون جس دے سردے اتے رحمت والیاں چھاواں
گٹھڑی چک گناہاں والی کیہڑے در تے جاواں
بخش دیویں محبوب دے صدقے میریاں کل خطاواں
اپنے ایس نیازی اتے ہر دم کریں عطاواں
تیرے فضل کرم دیاں مولا اوندیاں رہن ہواواں
تیریاں حمداں تعریفاں لئی کتھوں لفظ لیاواں
تیری گل تے مکنی ناہیں اپنی گل مکاواں
شاعر کا نام :- عبدالستار نیازی
کتاب کا نام :- کلیات نیازی