مدینے کی طرف میں دوڑ کر جاتا ہوں جانے کیوں

مدینے کی طرف میں دوڑ کر جاتا ہوں جانے کیوں

میں اپنے آپ سے آگے، گزر جاتا ہوں جانے کیوں

---

بڑی تیزی سے چلتا ہوں میں تھوڑی دیر تک لیکن

پھر اس کے بعد خود ہی میں ٹھہر جاتا ہوں جانے کیوں

---

درِ رحمت پہ دستک جا کے دوں، ہر بار سوچا ہے

قدم آگے بڑھاتا ہوں، تو ڈر جاتا ہوں جانے کیوں

---

ہزاروں مرتبہ کرتا ہوں، دن میں خود کو میں یکجا

ہزاروں مرتبہ دن میں، بکھر جاتا ہوں جانے کیوں

---

بھلا دیتا ہوں میں، ہر نام کو اُسؐ نام کی خاطر

میں اپنے ذہن سے خود بھی، اُتر جاتا ہوں جانے کیوں

---

عقیدت کے دیارِ نُور سے نکلوں، تو میں انجؔم

پریشانی کے جنگل میں، اُتر جاتا ہوں جانے کیوں